शिशुकाे मृत्यु पश्चात् किर्तिपुर हस्पिटलमा ताेडफाेड

पुस १७,काठमाडौं ।
सुत्केरी हुन नसकेर राजधानीको कीर्तिपुर अस्पताल भर्ना भएकी थिइन्, सविना सुवेदी थापा । धादिङ घर भएकी थापाले जन्माएको नवजात शिशुको मृत्यु भएपछि उनका आफन्तले कीर्तिपुर अस्पतालमा तोडफोड गरेका छन् ।

अस्पताल तोडफोड गर्ने १७ जनालाई पक्राउ गरिएको महानगरीय प्रहरी परिसर काठमाडौंका एसएसपी अशोक सिंहले नवलपुर-टुडेलाई बताए । उनले भने–‘अहिले अस्पताल प्रशासन र पीडित पक्षबीच वार्ता हुन लागेको छ ।’

पीडितका आफन्तले डाक्टरको लापरवाहीले बच्चाको निधन भएको दावी गरेका छन् ।
पक्राउ गरिएकाहरुलाई महानगरीय प्रहरी वृत्त कालीमाटीको हिरासतमा राखिएको छ ।