अस्पताल नपुग्दै भरतपुरका कोरोना संक्रमित पुरुषको मृत्यु

चितवनमा थप एक कोरोना संक्रमितको मृत्यु भएको छ ।

भरतपुर महानगरपालिका -१७ का ५१ वर्षिय कोरोना संक्रमित पुरुषलाई अस्पताल लैजादै गर्दा बाटोमै मृत्यु भएको हो ।

श्वासप्रश्वासमा समस्या आएपछि उनलाई चितवन मेडिकल कलेजमा हिजो विहीबार राती ८ : २७ मा उपचारका लागि लागिएको थियो ।

परिक्षणको क्रममा अस्पतालमा आउनु पूर्व नै बिरामीको मृत्यु भइसकेको अस्पतालका निर्देशक डा.दयाराम लम्सालले जानकारी दिए ।

मृतक पुरुषलाई यहि मंसिर १० गते कोरोना पुष्टि भएको थियो ।