कतार र साउदी अर्थमन्त्रीबिच फोनवार्ता : अमेरिका–इरान युद्धविरामबारे छलफल

दोहा । कतारका प्रधानमन्त्री तथा विदेशमन्त्री शेख मोहम्मद बिन अब्दुलरहमान बिन जसिम अल थानीले साउदी अरबका विदेशमन्त्री राजकुमार फैसल बिन फरहान अल साउदसँग टेलिफोन वार्ता गरेका छन् । दोहाबाट जारी विज्ञप्तिअनुसार वार्तामा दुई देशबिचको सम्बन्ध तथा क्षेत्रीय पछिल्ला घटनाक्रमबारे छलफल भएको हो ।

वार्ताका क्रममा अमेरिका र इरानबिच भएको युद्धविराम, क्षेत्रीय तनाव न्यूनीकरणका प्रयास तथा मध्यस्थतासम्बन्धी पहलहरूबारे विशेष रूपमा चर्चा भएको बताइएको छ । कतारी प्रधानमन्त्री शेख मोहम्मदले सङ्कटको मूल कारण समाधान गर्न संवादमार्फत अघि बढ्नुपर्ने आवश्यकता औँल्याएका छन् ।