इरानले स्ट्रेट अफ होर्मुजमा नयाँ ट्राफिक प्रणाली लागू गर्ने

तेहरान । इरानी संसद्को राष्ट्रिय सुरक्षा तथा विदेश नीति समितिका अध्यक्ष इब्राहिम अजीजीले आफ्नो देशले चाँडै नै  स्ट्रेट अफ होर्मुजमा ढुवानीको लागि नयाँ प्रणाली लागू गर्ने घोषणा गरेका छन् ।उनले शनिबार भने कि यो प्रणाली इरानको सार्वभौमसत्ता र अन्तर्राष्ट्रिय व्यापारको सुरक्षालाई ध्यानमा राखेर डिजाइन गरिएको हो ।

यसैबिच, इरानी सर्वोच्च नेता मोज्तबा खामेनीका सल्लाहकार मोहम्मद मोख्बरले कुवेत र युएईलाई कडा चेतावनी दिएका छन् । इरानले अहिलेसम्म संयम अपनाएको छ, तर यो सधैँभरि नरहने उनले बताएका छन् ।

मोख्बरका अनुसार देशहरूले आफ्नो क्षेत्र इरानका शत्रुहरूले प्रयोग गर्न खुला छोडेका छन् । इरानले लामो समयसम्म उनीहरूलाई साथी र दाजुभाइ मान्थ्यो तर अब उनीहरूले आफ्नो स्वतन्त्रता बेचेका र आफ्नो देशको भूमि आफ्ना शत्रुहरूलाई प्रयोग गर्न दिएको उनको भनाइ छ ।