सप्तरीमा जीता नदीको बाँध भत्किँदा १ सय ५० घर डुबानमा

रामनारायण यादव
सप्तरी । जीता नदीको पश्चिमको बाँध भत्किँदा सप्तरीको तिलाठी कोइलाडी गाउँपालिकाका १ सय ५० घर डुबानमा परेको छ ।

केही दिनदेखिको निरन्तर वर्षाका कारण तिलाठी कोइलाडी गाउँपालिकास्थित वडा नम्बर ५ को बसाईनस्थित दलित बस्तीमा बाढी पसेको गाउँपालिका अध्यक्ष सतिश कुमार सिंहले जानकारी दिए ।

उनका अनुसार नदीको पश्चिमी तटबन्ध भत्किँदा बाढी बस्तीमा पसेपछि गाउँपालिकाका अध्यक्ष सिंह सहितको टोली डुबान क्षेत्रतर्फ गएको गाउँपालिकाका विपद् व्यवस्थापन समितिका संयोजक राजेश झाले जानकारी दिए ।