सात वटा अमेरिकी सैन्य विमान नष्ट

काठमाडौँ ।  पश्चिम एसियामा जारी युद्धमा अमेरिकाले फेरि अर्को विमान गुमाएको छ । योसँगै यस युद्धका क्रममा कम्तीमा सात वटा अमेरिकी सैन्य विमान नष्ट भएको पुष्टि भएको छ । हालै इस्लामिक रिभोलुशनरी गार्ड कप्र्स (आईआरजीसी)ले खसालेको भनिएको अमेरिकी लडाकु विमानको अवशेषसमेत सार्वजनिक गरिएको छ ।

यस अघि मार्च २ मा कुवेतको हवाई रक्षा बलल् झुक्किएर गरेको प्रहारमा अमेरिकाको तीन वटा एफ–१५ लडाकु विमान खसालेका थिए । यस घटनामा विमानभित्र रहेका छ जना चालकदललाई सुरक्षित रूपमा बाहिर निकालिएको थियो । अमेरिकी रक्षा मन्त्री पिट हेग्सेथले ती पाइलटहरू फेरि कारबाहीमा फर्किएको बताएका छन् ।

मार्च १२ मा केसी–१३५ लडाकु विमान दूघर्टनामा पर्दा अमेरिकी हवाई बलका ६ सदस्यको मृत्यु भएको थियो । अमेरिकी सेनाले उक्त विमान शत्रु आक्रमणका कारण नभई अर्को विमानसँगको घटनामा संलग्न हुँदा दुर्घटना भएको बताएको थियो । यो घटना अपरेसन एपिक फ्युरीको क्रममा भएको थियो ।

मार्च २७मा अमेरिकी हवाई बलको ई –३ विमान ध्वस्त भयो । उक्त आक्रमणमा कम्तीमा १० जना अमेरिकी सैनिक घाइते भएका पनि मृत्युको खबर आएन । यसका बाहेक यूएस एफ–३५ फाइटर जेटलाई पनि इरानी आक्रमणको आशङ्का गरिएको क्षति पछि मध्यपूर्वस्थित अमेरिकी एयर बेसमा आपतकालीन अवतरण गराइएको थियो ।