चुरे क्षेत्रमा दिनरात उत्खनन तथा फडानी जारी
विनोद मण्डल
सिरहा । साउन ३२, चुरे क्षेत्रमा अवैध रूपमा डोजर सञ्चालन गरेर वन बिनास कार्य तिब्र गतिमा अघि बढाएको छ ।
सिरहाको धनगढी माई १२ आहाले बस्तीमा यतिबेला रातको समयमा डोजर लगाएर चुरे क्षेत्रमा रहेको डाँडा तथा भिर पाखा खेतवारीमा परिणत हुन थालेको हो ।
प्राकृतिक रूपमा रहेको बन जंगलमा स्थानीयलाई गाई वस्तु चरी चरणको मूल बाटो अर्थात् जंगल पस्ने बाटोमा स्थानिय फूलगेन महतो र मिश्री लाल महतोले डाँडा डोजरले भत्काउन लगाई बाटो पुरेर खेत बनाएपछि त्यहाँको वास्तविकता बाहिर आएको हो ।
अवैध रूपमा बन फडानी गरि खेत बनाइरहेको लिखित निवेदन स्थानियले डिभिजन बन कार्यालय लहानमा दर्ता गराएपछि आज दिउँसो ४ बजेको समयमा जिल्ला बन कार्यालय लहान र सब डिभिजन बन कार्यालय धनगढीबाट खटि गएको बन विभागको गस्ती टोलीेले स्थलगत निरीक्षण गरी आहाले बस्तीका स्थानीयलाई चुरे क्षेत्रमा अवैध रूपमा उत्खनन् नगर्न भन्दै स्थानिय फुलगेन र मिश्री लाल महतो माथी कानुनी प्रक्रिया अगाडी बढाउने जिल्ला वन कार्यालय सिरहाले जनाएको छ ।
