चीनको तेल बोकेर जाँदै थियो इरानी ड्रोन आक्रमणमा परेको कुवेती तेल ट्यांकर

कुवेत सिटी । गएराति अज्ञात प्रक्षेप्य लागेर कुवेती कम्पनीको एउटा तेल ट्याङ्करमा आगो लाग्यो । संयुक्त अरब इमिरेट्सको दुबई नजिकको केही माइल टाढाको समुद्री क्षेत्रमा भएको समयमा कुवेतको झण्डा बोकेको ट्यांकर अल–साल्मी निशानामा परेको समुद्री गुप्तचर जानकारी उपलब्ध गराउने अमेरिकी कम्पनी भ्यानगार्डले भनेको छ ।

अल–साल्मी ट्यांकर २०११ मा बनेको हो । यो कुवेत आयल ट्याङ्करको स्वामित्वमा रहेको छ । यस आक्रमणलाई कुवेत पेट्रोलियम कर्पोरेशनले यसलाई क्रूर इरानी हवाई आक्रमण भनेको छ । इरानले पनि जहाजमाथि भएको आक्रमणबारे समाचार छापेको भएपनि आक्रमणको जिम्मेवारी कसले लिएको छ भन्ने स्पष्ट छैन । न त इरानी अधिकारीहरूले अहिलेसम्म यसको स्वीकार गरेका छन् । हालसम्म क्षतिग्रस्त जहाजको कुनै तस्वीर वा भिडियो पनि सार्वजनिक भएको छैन । यस अघि इरानले भारत र चीन लगायत केही देशको लागि तेल बोकेको ट्याङ्करलाई स्ट्रेट अफ हर्मुजबाट जान दिएको खबर आएको थियो ।