अमेरिकामा १२ खर्ब डलरको खर्च विधेयक पारित
वासिङ्टन डीसी । अमेरिकी प्रतिनिधि सभाले मंगलबार साँझ १२ खर्ब डलरको खर्ब विधेयक पारित गरेको छ । सरकारी कामकाज आंशिक रुपमा ठप्प भएको स्थिति अन्त्य गर्न अन्ततः साँघुरो मतान्तरले विधेयक पारित भएको छ । यो विधेयक को पक्षमा २१७ मत र विपक्षमा २१४ मत खसेको थियो । अब राष्ट्रपति डोनाल्ड ट्रम्पले यसमा हस्ताक्षर गरेपछि विधेयक कानुन बन्नेछ ।
अध्यागमनका अधिकारीहरूको गोली लागेर हालै अमेरिकामा मृत्यु र चोटपटकका घटना बढिरहेको समयमा डेमोक्रेटहरू र रिपब्लिकनहरूबिच बजेटमा मतभेद चुलिएको थियो ।
डेमोक्र्याटहरुले अध्यागमन निकाय आईसीई र गृहमन्त्रालयको नियमनका लागि नयाँ पारदर्शिता ऐन ल्याउनु पर्ने माग गरिरहेका छन् । यसै विवादबिच सरकारले गृहमन्त्रालय छोटो समयको लागि बजेट निकास गरेको हो । ।
यो विधेयकको पारितसँगै चार–दिन देखि आंशिक रुपमा बन्द भएको सरकारी कामकाज सुचारु भएको छ । यद्यपि आप्रवासन अभ्यासमा अझै राजनीतिक वार्ता जारी रहने अपेक्षा गरिएको छ।
