अमेरिकामा अफगानी नागरिकको लागि अध्यागमन अनुरोध निलम्बित

वासिङ्टन डीसी । अमेरिकाले अफगानी नागरिकका लागि सबै खाले अध्यागमन अनुरोधको प्रोसेसिङ निलम्बन गरेको छ । विचाराधीन सुरक्षा प्रोटोकल समीक्षाका कारण यो निर्णय गरिएको अमेरिकी नागरिकता र अध्यागमन सेवा (यूसीआईएस)ले भनेको छ । माइक्रोब्लगिङ वेबसाइट एक्सको एउटा पोष्टमा यूसीआईएसले भनेको छ, ‘मातृभूमि र अमेरिकी जनताको सुरक्षा हाम्रो एकमात्र ध्येय र लक्ष्य बनेको छ ।’

पूर्व राष्ट्रपति जो बाइडेनको पालामा अमेरिकी सेना अफगानिस्तानबाट बाहिरिएपछि २०२१ मा दशौं हजारं अफगानीलाई विशेष खालको आप्रवासन सुरक्षामा अमेरिका प्रवेश गर्न दिइएको थियो । ह्वाइट हाउसबाहिर भएको गोलीकान्डका संदिग्धलाई बाइडेनको पालाको अपरेशन एलिज वेलकम नाम गरेको कार्यक्रम अन्तर्गत अमेरिका छिरेका २९ वर्षीय अफगानी नागरिक रहमानउल्लाह लकनवालको रूपमा पहिचान गरिएको छ ।