यी ५ गल्तीका कारण बारम्बार फर्कन्छन् पिम्पल

काठमाडौँ । के तपाईंले कहिल्यै याद गर्नुभएको छ, एउटा पिम्पल निको नहुँदै अर्को आउँछ ? यस्तो लाग्छ मानौँ पिम्पलले तपाईँलाई पछ्याउन छोडेका छैनन्। हामी प्रायः यसलाई छालाको प्रकार वा हर्मोनको समस्या मानेर बेवास्ता गर्छौँ, तर सत्य यो हो कि हाम्रो दैनिक जीवनका केही बानीहरू नै यसको वास्तविक कारण हुन्।

हाम्रा दैनिक केही गल्तीहरूले नै पिम्पललाई निम्तो दिन्छन्। यी गल्तीहरू यति सामान्य हुन्छन् कि हामी त्यसतर्फ ध्यानै दिँदैनौँ, र यसै कारण पिम्पल बारम्बार फर्किरहन्छन्। 

मेकअप गर्नुहुन्छ भने, सुत्नुअघि त्यसलाई अनिवार्य रूपमा हटाउनुहोस्। मेकअप हटाउनका लागि डबल क्लिन्जिङको विधि अझ प्रभावकारी हुन्छ।

२) मोइस्चराइजर नलगाउनु 

धेरै मानिसहरूलाई लाग्छ कि तेलयुक्त छाला वा पिम्पल आएको बेला मोइस्चराइजर आवश्यक पर्दैन। यो एउटा भ्रम हो। जब छाला सुख्खा हुन्छ, तब तेल ग्रन्थीहरू धेरै सक्रिय हुन्छन्। यसले छिद्रहरू बन्द गर्छ र पिम्पल आउन थाल्छ। 

त्यसैले, आफ्नो छालाको प्रकारअनुसार ‘नन(कोमेडोजेनिक’ र ‘ओइल(फ्री’ मोइस्चराइजर अनिवार्य रूपमा लगाउनुहोस्। यसले छालालाई हाइड्रेटेड राख्छ र अनावश्यक तेल उत्पादन हुन दिँदैन।

३) पिम्पललाई बारम्बार छुनु वा निचोर्नु 

पिम्पल देख्ने बित्तिकै त्यसलाई दबाउने वा निचोर्ने इच्छा हुन्छ, तर यो सबैभन्दा खतरनाक बानी हो। यसो गर्दा सङ्क्रमण वरपरको छालामा फैलन सक्छ, सुन्निने हुन सक्छ र गहिरो दाग पनि रहन सक्छ। 

त्यसैले, पिम्पललाई कहिल्यै ननिचोर्नुहोस्। यसको सट्टा, सैलिसिलिक एसिड वा बेन्जोयल पेरोक्साइड भएको क्रिम लगाउनुहोस्। हातलाई पनि बारम्बार अनुहारबाट टाढा राख्नुहोस्।

४) गलत खानपान र पानीको कमी 

तपाईंको आहारको सीधा असर तपाईंको छालामा पर्छ। धेरै तारेको, मसालेदार, प्रशोधित र चिनीजन्य खानेकुराले शरीरमा सुजन पैदा गर्न सक्छ, जसले पिम्पललाई ट्रिगर गर्छ। साथै, पर्याप्त मात्रामा पानी नपिउँदा शरीरको विषाक्त पदार्थ बाहिर निस्कन पाउँदैन। 

त्यसैले, ताजा फलफूल, हरियो तरकारी लगायतलाई आफ्नो आहारमा समावेश गर्नुहोस्। दिनभरिमा कम्तीमा ८(१० गिलास पानी अनिवार्य रूपमा पिउनुहोस्। चिया(कफीको सेवन सीमित गर्नुहोस्।

५) तनाव लिनु र पर्याप्त निद्रा नपुर्‍याउनु 

तनावले शरीरमा ‘कोर्टिसोल’ हर्मोनको स्तर बढाउँछ, जसले तेल ग्रन्थीहरूलाई धेरै सक्रिय बनाएर पिम्पलको कारण बन्न सक्छ। यसैगरी, पर्याप्त निद्रा नपुग्दा शरीरको मर्मत प्रणालीले राम्ररी काम गर्न सक्दैन र छालाका समस्याहरू बढ्छन्। त्यसैले, तनाव कम गर्न योग, ध्यान वा कुनै रुचिलाई अपनाउनुहोस्। दैनिक ७/८ घण्टाको राम्रो निद्रा लिनु आवश्यक छ।