अभिनेता विजयलाई पक्राउ गर्न माग
एजेन्सी
२०८२ अशोज १३ | मध्यान्ह ०३:०६ बजे
नयाँ दिल्ली । तमिल फिल्म उद्योगका अभिनेताबाट राजनीतिज्ञ बनेका विजय सहभागी भएको करुरमा भएको र्यालीमा ४० जनाको मृत्यु भएपछि यतिखेर अभिनेतालाई पक्राउ गर्नु पर्ने माग उठिरहेको छ । तमिलनाडु विद्यार्थी सङ्गठनले तमिलगा भेत्री कझगम (टिभीके) प्रमुख विजयलाई निशाना बनाइरहेका छन् ।
आइतबार विजयले आफ्नो र्यालीका क्रममा भएको भागदौडमा मर्नेका परिवार र घाइतेलाई सहायता राशि दिने घोषणा गरेका थिए । दुर्घटनामा प्रियजनहरू गुमाएका प्रत्येक परिवारलाई २० लाख भारु सहायता दिइने माइक्रोब्लगिङ वेबसाइट एक्समा उनले एउटा पोस्टमा बताएका थिए । उपचार गराइरहेका घाइतेहरूलाई पनि २ लाख भारु दिइने घोषणा गरिएको थियो ।
