दोलखामा ‘सोक्ला रक क्लाइम्बिङ महोत्सव’ सुरु(तस्बिरसहित)
दोलखा । दोलखाको भीमेश्वर नगरपालिकामा ‘सोक्ला रक क्लाइम्बिङ महोत्सव’ सुरु भएको छ । शनिबार प्रदेश सभा क्षेत्र नम्बर २ का सांसद भरत केसीले एक समारोहका बिच रक क्लाइम्बिङ महोत्सवको उद्घाटन गरेका हुन् । महोत्सव दुई दिनसम्म चल्नेछ । महोत्सवले साहसिक खेलको प्रवर्द्धन गर्नुका साथै समृद्ध दोलखा निर्माणमा कोशेढुङ्गा सावित हुने विश्वास लिइएको छ ।
भीमेश्वर नगरपालिका– २ स्थित सोक्लामा रहेको सो पर्यटकीय गन्तव्य चर्चित भीमेश्वर मन्दिर नजिकै रहेको छ । केही वर्षअघि देखि त्यहाँ रक क्लाइम्बिङको अभ्यास हुँदै आएको थियो । महोत्सवसँगै अब त्यहाँ व्यावसायिक रूपमै रक क्लाइम्बिङको सुरुवात हुने अपेक्षा गरिएको छ । उद्घाटन कार्यक्रम स्थानीय सांस्कृतिक झाँकीहरू समेत प्रदर्शन गरिएको थियो ।
कार्यक्रममा विभिन्न दलका स्थानीय नेता, जनप्रतिनिधि र सर्वसाधारणको उपस्थिति रहेको थियो ।
