जाजरकोटमा भिरबाट लडेर एक जनाको मृत्यु
दिप्शन गुरुङ
२०८१ चैत्र ६ | बिहान ०९:१२ बजे
सुर्खेत । जाजरकोटमा भिरबाट लडेर एक जनाको ज्यान गएको छ । बारेकोट गाउँपालिका–३ स्थित पछ्याउरीका ५९ वर्षीय खडक डाँगीको बाख्रा चराउने क्रममा लडेर मृत्यु भएको हो ।
मंगलबार घर नजिकैको जंगलमा बाख्रा चराउने क्रममा उनी लडेर घाइते भएका थिए ।
उपचारका लागि आधारभूत अस्पताल लिम्सा ल्याउँदै गर्दा आज बिहान बाटोमै मृत्यु भएको बारेकोट गाउँपालिका–३ का वडाध्यक्ष रामबहादुर सिंहले जानकारी दिए ।
