ठमेलमा प्रहरी कुट्ने एमाले विद्यार्थी नेता जोशीलाई दश हजार धरौटीमा छाड्न आदेश

आदेशअनुसार अनेरास्ववियु स्थायी कमिटी सदस्य कमलराज जोशी, गोपालबहादुर शाही, नवीनसिंह ऐर र दिनेश सिग्देललाई जनही १० हजार रुपैयाँ धरौटीमा छाड्न आदेश दिइएको छ। यस्तै रमेश फुलारालाई भने १५ हजार रुपैयाँ धरौटीमा छाड्न भनिएको छ। माघ २४ गते राति ड्युटीमा खटिएका सुरक्षाकर्मीमाथि कुटपिट गरेको आरोपमा उनीहरू पक्राउ परेका थिए। जोशी नेतृत्वको समूहले दरबारमार्गस्थित केशरमहल बिटबाट गस्तीमा रहेका प्रहरी हवलदार जगुलाल चौधरी र जवान नगेन्द्रराज विष्टमाथि आक्रमण गरेको थियो।