नवलपुरको देवचुलीमा बेवारिसे महिलाको शव फेला

कावासोती । नवलपुरको देवचुलीमा बेवारिसे शव फेला परेको छ । देवचुली नगरपालिका- १, मेगापार्क नजिकै नारायणी नदी किनारमा बेवारिसे शव फेला परेको हो ।

जिल्ला प्रहरी कार्यालय नवलपुरका सुचना अधिकारी एवम प्रहरी नायव उपरीक्षक बेदबहादुर पौडेलका अनुसार अन्दाजी ३०/३५ वर्षको मोटो शरीर र मंगोलियन अनुहारको जस्तो देखिने महिलाको शव फेला परेको हो ।

शवको अहिलेसम्म सनाखत भएको छैन । घटनाको बारेमा थप अनुसन्धान भइरहेको पौडेलले बताए ।