फागुन ९ गतेदेखि हराइरहेकी शारदा पौडेलको शव नारायणी किनारमा फेला

चितवन, फागुन १५ । गत फागुन ९ गतेदेखि देवघाट गाउँपालिका–५ बाट हराइरहेकी शारदा पौडेलको शव नारायणी किनारमा फेला परेको छ ।

बिगत एक हप्तादेखि प्रहरीले खोजी गरिरहेको ५१ वर्षीय पौडेलको शव आज बिहान नारायणी किनारमा भेटिएको हो ।

जिल्ला प्रहरी कार्यालय चितवनका प्रवक्ता डीएसपी श्रीराम भण्डारीले दिएको जानकारी अनुसार बिहान सबेरै पोखरा बसपार्क छेउमा पौडेलको शव भेटिएको हो । गत फागुन ९ उनको खोजी गरिदिन परिवारले प्रहरीमा निवेदन दिएको थियो ।