कालिकोटे जनताको ‘चिलगाडी’ हेर्ने सपना पूरा

कालिकोट । सुनथराली विमानस्थल निर्माण सुरु भएको झन्डै चार दशकपछि कालिकोटे जनताको सपना अब भने पूरा भएको छ । आइतबार तारा एयरलाइन्सले नरहरिनाथ गाउँपालिका कोटबाडामा रहेको सुनथराली विमानस्थलमा परीक्षण उडान गरेको छ ।

तारा एयरलाइन्स नाईनएन–एकेएल विमानले परीक्षण उडान गरेको नरहरीनाथ गाउँपालिकाका प्रवक्ता प्रदीप बोहराले जानकारी दिएका छन् । उनका अनुसार सोमबार बिहान ९ः२१ बजे नेपालगन्जबाट उडेको क्याप्टेन पीएस नगरकोटीसहित नौ जनाको प्राविधिक टोलीसहितले सुनथराली विमानस्थलमा सफलतापूर्वक परीक्षण उडान गरेको जनाए ।