न्यु संगिता मेडिकलको पहलमा बराहक्षेत्र नगरपालिकालाई २ लाख बढीको कोभिड औषधि प्रदान
सुबिन विश्वकर्मा (बराहक्षेत्र)
सुनसरी । सुनसरीको बराहक्षेत्र ६मा रहेको न्यु संगिता मेडिकल हलको पहलमा बराहक्षेत्र नगरलाई २लाख बढीको स्वास्थ सामाग्री प्रदान गरिएको छ ।
आर्या फर्मा ल्याब बिरगंजद्वारा १लाख १३हजार २सय बराबरको कोभिड १९ सम्बन्धि आवश्यक औषधि तथा कस्यप ॠषी आयुर्वेदिक बिराटनगरद्वारा ७५ हजार बराबरको सेनिटाइजर प्रदान गरिएको हो । यसको लागि न्यु संगिता मेडिकल हलले पहल गरेको हलका प्रमुख सुरेन्द्र गुप्ताले जानकारी दिए ।
उनकाअनुसार आगामी दिनहरुमा समेत विभिन्न प्रतिनिधित्व स्थानहरुमा निशुल्क स्वास्थ सामाग्री वितरणका लागि पहल तथा समन्वय गर्ने योजना रहेको छ ।
सामाग्री मंगलबार नगरलाई हस्तान्तरण गरिएको हो । सो अवसरमा न्यु संगिता मेडिकल हलका प्रमुख सुरेन्द्र गुप्ता र दिपक अधिकारी, आर्या फर्माका बजार प्रतिनिधि केशब भट्टराई, सेल्स मेनेजर दुर्गाराज भट्टराई, एरिया मेनेजर बिकेस पोखरेल र नगरपालिका प्रमुख निलम खनाल र प्रमुख प्रशासकिय अधिकृत राजेश पोखरेल, स्वास्थ साखा अधिकृत उमेश मेहेता र प्रशासकीय अधिकृत मनु कुमार लिम्बु उपस्थिति थिए ।