नवलपरासीस्थित चौधरी उद्योगमा आगलागी, क्षतिको बिबरण आउन बाँकी(फोटो फिचर)

नवलपुर । पूर्वी नवलपरासीको देवचुली नगरपालिका -२ मा रहेको चौधरी उद्योगको नेपाल आइस वियर प्लाण्टमा बुधबार अचानक आगलागी भएको छ ।

उद्योग प्रशासन प्रमुख दामोदर पौडेलले बिहान ८ बजेबाट आगो लाग्न सुरु गरेको र अहिले नियन्त्रण बाहिर रहेको बताए । उद्योगको बियर प्लान्ट र गोदाममा आगलागी भएको हो ।

आगो नियन्त्रणको प्रयास भईरहेको छ । प्रहरी, दमकल, नेपाली सेना, स्थानीय र कामदारहरुले आगो नियन्त्रणको लागि प्रयास गरिरहेको छ ।

आगलागीको कारण खुलेको छैन । क्षतिको विवरण आउन सकेको छैन । आगलागीको कारण अहिले थाहा नभएको पनि बताए ।