महोत्तरीबाट एकैसाथ पाँचजना किशोरी सम्पर्कविहीन

जनकपुरधाम, कात्तिक २३ । महोत्तरीबाट एकैसाथ पाँचजना किशोरी सम्पर्कविहीन भएका छन् । 

औरही नगरपालिका–२ बाट मंगलबार दिउँसो साढे ११ बजेदेखि पाँचजना किशोरीहरू एकैसाथ हराइरहेको जानकारी आएको महोत्तरीका प्रहरी प्रवक्ता डिएसपी दीपक गिरीले जानकारी दिए । 

उनका अनुसार १६ वर्षीया बसन्ती सदा, १६ वर्षीया प्रतिमा सदा, १८ वर्षीया संगीता सदा, १५ वर्षीय राजन सदा, २० वर्षीय रूवी सदा सम्पर्कबिहीन भएका हुन् । 

उनीहरू कामको सिलसिलामा भारततिर गएको हुनसक्ने प्रहरीको आशंका छ । उनीहरू सबै विपन्न परिवारका रहेको बुझिएको छ ।