नायक नाजिर हुसेनले राष्ट्रिय आविष्कार केन्द्रलाई एक लाख सहयोग गरे

काठमाडौ । नेपाली चलचित्र क्षेत्रका नायक नाजिर हुसेनले कोरोना संक्रमितलाई अक्सिजन जोहो गर्नका लागि एक लाख रुपैयाँ सहयोग गरेका छन् ।

नाजिरले महावीर पुनको राष्ट्रिय आविष्कार केन्द्रलाई मंगलबार एक लाख रुपैयाँ सहयोग गरेका हुन् । केन्द्रले कोरोना संक्रमितका लागि अक्सिजन सिलिण्डर सहयोग गरिरहेको छ ।

नायक नाजिर हुसेनले नेपाली दाजुभाई दिदीबहिनीहरुको जिवन रक्षाका लागि उहाँहरु फिल्डमै खटिरहनुभएको छ । त्यसले मलाई छोइरहेको थियो । स्वास्थ्य स्थितिले गर्दा म आफू फिल्डमा गएर सहयोग गर्ने अवस्थामा छैन , त्यसैले मैले मेरो तर्फबाट जसरी सहयोग गर्न सक्थेँ, जति सक्थेँ मनदेखि त्यो सहयोग गरेको छु ।”

आफ्नो सहयोगले कसैको जीवन बचाउन मद्दत मिल्ने अपेक्षा लिएको नाजिरले भने, उनले अहिलेको विषम परिस्थितिमा सबैले आफ्नो तर्फबाट सकेको सहयोग गर्नुपर्ने बताए । सहयोग आर्थिकले मात्र नभई अन्य धेरै हिसाबले पनि गर्न सकिने नाजिरको तर्क छ ।