राष्ट्रपती सामु “कार्वाहिफिर्ता,ओलीलाई समर्थन गर्दै पार्टिमा थप बिबाद नचर्काउने” सहमती

२४ वैशाख, काठमाण्डौ ।

राष्ट्रपति विद्यादेवी भण्डारीलाई साक्षी राखेर प्रधानमन्त्री ओली र नेता नेपालबीच बिहीबार पार्टीमा थप विवाद नबढाउने सहमति भएको छ । तर यो सहमति दुवै पक्षले सार्वजनिक भने गरिसकेका छैनन्। सहमति अनुसार पार्टी अध्यक्ष ओलीले नेता नेपाल सहितका नेतामाथि भएको कारवाही फिर्ता लिने र नेपाल समूहले वैशाख २७ गते प्रधानमन्त्री ओलीलाई विश्वासको मत दिनेछन्।

बिहीबार राष्ट्रपति भण्डारीले माधव नेपाललाई भेट्न बोलाएकी थिइन्। देउवा निवासबाट नेता नेपाल साँझ सात बजे शितल निवास प्रवेश गरेका थिए। नेपाल र राष्ट्रपतिबीच छलफल चलिरहेकै बेला प्रधानमन्त्री ओली पनि शितल निवास पुगेका थिए।

पार्टी बीच बढ्दो विवाद मिलाउन माधव नेपाल समूहबाट सुरेन्द्र पाण्डे, योगेश भट्टराई र गोकर्ण विष्टले दुवै समूहका शीर्ष नेतालाई भेटेर एकताको पक्षमा दबाव दिएका थिए भने ओली समूहबाट प्रदीप ज्ञवाली, सुवास नेम्वाङ र विशाल भट्टराईले एकताको पक्षमा भूमिका निर्वाह गरेका थिए।