मेराे प्रेम ” My Love”

???? मरो प्रेम????
मेरो प्रेमको सच्चाई पुर्ण आखामा !
प्रेमको न रुप छ न आकार !
न कुनै बर्ग छ न लिंग !
न कुनै धर्म छ न वर्ण !

न कोहि सानो छ न ठूलो!
न कोहि आफ्नो छ न पराई!
मेरो प्रेमको न कुनै सिमाना छ न दुरी!
न सुरुवात छ न अन्त्य !

मेरो प्रेम त सधै सबैको निम्ति असीमित छ!
प्रेमको संकीर्ण सिमित अपरिपक्व परिभाषा दिदै काल्पनिक प्रेम जोडि हरु!
मुना मदन रोमियो जुलिएटको उदाहरण नदेउ मलाई!

मेरो बुझाई मा प्रेम त त्याग र प्राप्तीको अर्को नाम हो!
प्रेम ले बुद्धलाई जन्माउछ!
घृणा ले युद्ध लाई जन्माउछ!
सब ले भन्छन प्रेम अनि युद्धमा सब कुरा हुन्छ जाईज!
मो भन्छु प्रेम गर्न सबलाई छुट छ
तर युद्ध कसैको निम्ति पनि हुन्न है जाईज!

मो तेस्तो ब्यक्ती र समाज लाई सधैं घृणा गर्छु
मेरो शत्रु समाजका हिंसा,बिकृती,बिखण्डन
बिभेद हो!
न कुनै ब्यक्ती वर्ग वर्ण न त धर्म
मो चाहान्छु मनव भित्रको मानवता समाप्त नहोस!

हो मो त्यस्तो प्रेम गर्छु !
जस्ले संसारमा फेरि युद्ध ननिम्तियोस
प्रेमको खडेरीमा कसैको आँसु नबर्सियोस

सक्छौ भने मैले जस्तै निश्वार्थ निसर्त
पबित्र प्रेम गरेर देखाउ!
जुन प्रेम म तिमिलाई गर्छु !
जुन प्रेम म संसारलाई गर्छु!
त्यो प्रेम जस्को कुनै अन्त्य छैन!

लेखक:Gyalzen Dorje Tamang
हाल:नख्खु कारागार काठमाडौ