नवलपुरमा गैडाको आक्रमणबाट एक जनाको मृत्यु

पूर्वी नवलपरासीको देवचुली नगरपालिका १७ कुलेनी निवासी ६५ बर्षीय जंगिलाल मुखियालाई आफ्नै बारीमा गएको बेला गैडाले आक्रमण गरेको ईलाका प्रहरी कार्यालय रजहरले जनाएको छ ।
आइतबार विहान ६ बजेतिरको समयमा मुखियालाई गैडाले आक्रमण गरेको हो । आक्रमणबाट गम्भीर घाइते मुखियाको विहान पौने ९ बजेतिर पुरानो मेडिकल कलेज भरतपुरमा उपचारको क्रममा निधन भएको हो ।
आक्रमण गर्ने गैडा चितवन राष्ट्रिय निकुञ्जतर्फ गएको प्रहरीले जनाएको छ ।