मगर भाषाको मुक्तक

१. मेल्लौ दाजुभाइ सेन र नि भाट्के माछान्ने
फोकुङ बात सेम सेन र नि साट्के माछान्ने
कठ खात्म मुके पस्ले मेन मेन पुन्के माहाले
शत्रुको रेट्च लाम सेन र नि जाट्के माछान्ने

२. पेलिस आन्च पेलिस्याको लेस्मो माराहा
ज्याच ज्याट न्हाला छुरुओ साना खाराहा
आरमिट्मो मिक्डी जोक्ले मिगिन राप्ले
ढलिङ छान्हा मेको म्हाटा ठुरी जा टाराहा

३. छिनिङ च हिके नाकुङ याद राहा
इसे मिगिनो नमस बल्ल पो बाहा
नाकोके न वाङमह मुमन्याह छौ
सोम ल्हेसाङ नाको कुलाङ ताहा

सम्झना थापा मगर
पु.ब.न.पा – ७ साधीँखोला स्याङ्जा