गाईघाट बजारका सडक पेटीमा व्यापार नगर्न निर्देशन
रासस
२०८२ चैत्र ३० | मध्यान्ह १२:१२ बजे
उदयपुर । त्रियुगा नगरपालिकाले सदरमुकाम गाईघाट बजारका मुख्य सडक पेटीहरुमा व्यापार व्यवसाय नगर्न आग्रह गरेको छ । यसका लागि नगरपालिकाले २२५ फुटपाथ व्यापारी तथा व्यवसायीलाई सचेतना प्रशिक्षण समेत सञ्चालन गरेको प्रमुख बसन्त बस्नेतले जानकारी दिए ।
नगर प्रमुख फुटपाथ व्यापार–व्यवसाय गर्न वैकल्पिक रुपमा नगरपालिकाले बजारका सडक छेउछाउकै अन्य जग्गाहरु उपलब्ध गराउने र केही व्यापारीहरुका लागि उपलब्ध गराउँदै आएको नगर प्रमुख बस्नेतले बताए ।
बजारको मुख्य सडक पटीमा कपडा, खुद्रा व्यापारदेखि मकै पोलेर बिक्री गर्ने माछा, फलफूलहरु बिक्री गर्ने, जुत्ता चप्पल सहितका व्यापारहरु सडक पेटी कब्जा गरेर पसल सञ्चालन गर्ने गरेको कारण सडक पेटीमा हिँड्नेहरुले सास्ती भोग्नु परेको नगरपालिकाले जनाएको छ ।
