इजरायलले प्रत्यक्ष वार्ताको प्रस्ताव गरेपछि वासिङ्टन जाने तयारीमा लेबनानी प्रधानमन्त्री

काठमाडौँ । लेबनानका प्रधानमन्त्री नवाफ सलाम केही दिनमै अमेरिका भ्रमणमा जाने भएका छन् । इजरायलले लेबनानसँग प्रत्यक्ष वार्ताको प्रस्ताव गरेपछि उनको यो भ्रमण तय भएको लेबनानको सरकारी स्रोतले जनाएको भन्दै सीएनएनले समाचार छापेको हो । यो घटनाक्रम अमेरिका र इरानबिचको धरमराइरहेको दुई साताको युद्ध विराम कायम रहेको अवस्थामै आएको हो ।

यद्यपि लेबनानमा भइरहेका आक्रमणहरू उक्त सहमतिमा समेटिने कि नसमेटिने भन्ने विषयमा तनाव बढिरहेको छ । युद्ध विराम जारी रहे पनि इजरायलले लेबनानी सशस्त्र समूह हिजबुल्लाहका लक्ष्यहरूमा आक्रमण जारी राखेको छ। 

बुधबार भएको ठुलो आक्रमणमा कम्तीमा ३०० जनाको मृत्यु भएको लेबनानी अधिकारीहरूले बताएका छन् । यस विषयमा प्रतिक्रिया लिनह्वाइट हाउससँग सम्पर्क गरिएको भए पनि हालसम्म कुनै आधिकारिक टिप्पणी आएको छैन।