अक्षयकुमारको ‘भूत बङ्गला’ को प्रदर्शन मिति परिवर्तन

मुम्बई । बलिउड अभिनेता अक्षयकुमार र निर्देशक प्रिय दर्शनको बहुप्रतिक्षित फिल्म ‘भूत बङ्गला’ को प्रदर्शन मिति हेरफेर भएको छ । १० अप्रिलमा प्रदर्शन हुने तयारीमा रहेको फिल्म अब १६ अप्रिलदेखि प्रदर्शनमा आउने फिल्मकी निर्माता एकता कपूरले सामाजिक सञ्जाल मार्फत जानकारी दिएकी छन् ।

‘भूत बङ्गला’ मार्फत अक्षयकुमार र निर्देशक प्रियदर्शनको जोडी करिब १४ वर्षपछि ठुलो पर्दामा फर्किएको हो । यो एक हरर–कमेडी फिल्म हो । 

फिल्ममा अक्षयका साथै तब्बू, परेश रावल, वामिका गब्बी, राजपाल यादव र असरानी जस्ता चर्चित कलाकारको मुख्य भूमिका छ । अक्षय र प्रियदर्शनको सहकार्यमा यसअघि ‘हेरा फेरी’, ‘भुल भुलैया’ र ‘गरम मसाला’ जस्ता ब्लकबस्टर फिल्म आएकोले पनि फिल्म दर्शकमाझ प्रतीक्षित बनेको छ ।