विश्वकपमा इरानलाई स्वागत र सुरक्षा हुन्छ : ह्वाइट हाउस
वासिङ्टन डीसी । अमेरिकामा हुन लागेको फिफा विश्व कपमा सहभागी हुन आउने इरानी राष्ट्रिय फुटबल टोलीलाई स्वागत गरिने र उनीहरूको सुरक्षा सुनिश्चित गरिने ह्वाइट हाउसले जनाएको छ ।
इरानको टोलीका समूह चरणका खेलहरू लस एन्जलस र सियाटलमा तय गरिएको छ । यद्यपि, इरानको खेल मन्त्रालयले शत्रुतापूर्ण देशहरूमा आफ्ना राष्ट्रिय टोली र खेलाडीहरूलाई सहभागी हुन प्रतिबन्ध लगाएको छ । दुई साताअघि डोनाल्ड ट्रम्पले सामाजिक सञ्जालमार्फत इरानी टोलीको अमेरिका यात्रा ‘उनीहरूको जीवन र सुरक्षाका दृष्टिले उपयुक्त नहुन सक्छ’ भन्ने टिप्पणी गरेपछि विवाद उत्पन्न भएको थियो ।
त्यसपछि इरानले आफ्ना खेलहरू मेक्सिकोमा सार्न अनुरोध गरेको थियो, तर फिफाले उक्त प्रस्ताव अस्वीकार गरेको थियो । जुलियानीका अनुसार राष्ट्रपतिले अहिले पनि इरानी टोलीलाई स्वागत गर्ने अडान कायम राखेका छन् ।
उनले भने– ‘ट्रम्पको अघिल्लो अभिव्यक्ति इरानी महिला फुटबल टोलीका सदस्यहरूले अस्ट्रेलियामा शरण खोज्ने विषय चर्चामा आएको बेला गरिएको थियो, जहाँ उनीहरूका परिवारमाथि इरानमा दबाब दिइएको आरोप लागेको थियो ।’
तर उनले अमेरिकाको गृह सुरक्षा मन्त्रालयको कामकाज ठप्प प्रायः भएको अवस्थाले विश्वकप तयारीमा अवरोध पुर्याउन सक्ने चेतावनी पनि दिएका छन् । ‘हामी यसलाई सुरक्षित र सफल बनाउन सक्दो प्रयास गरिरहेका छौँ, तर पूर्ण रूपमा सफल बनाउन सम्बन्धित निकाय सञ्चालनमा आउनु आवश्यक छ,’ उनले बताएका छन् ।
