इरान युद्ध: पेट्रोलको भाउ बढेपछि युरोपमा प्रयोग गरिएका ईभीको बिक्रीमा वृद्धि
ब्रसेल्स । इरानमा जारी युद्धका कारण पेट्रोलको मूल्य तीव्र रूपमा बढेपछि युरोपभर प्रयोग गरिएका विद्युतीय सवारी (ईभी) को बिक्री उल्लेख्य रूपमा बढेको छ । अनलाइन गाडी बजार प्लेटफर्महरूले दिएको जानकारीअनुसार इन्धनको मूल्य वृद्धिले उपभोक्ताहरूलाई पेट्रोल तथा डिजेल गाडीबाट विद्युतीय विकल्पतर्फ आकर्षित गर्न थालेको देखिएको छ ।
फेब्रुअरी २८ देखि सुरु भएको युद्धले विश्व तेल आपूर्तिको करिब २० प्रतिशत हिस्सा ओगटेको प्रमुख समुद्री मार्गमा अवरोध पुर्याएको छ । यसको प्रत्यक्ष असर पेट्रोल पम्पहरूमा देखिएको छ । युरोपेली आयोगको तथ्यांकअनुसार युरोपियन युनियनमा पेट्रोलको औसत मूल्य फेब्रुअरी २३ देखि मार्च १६ सम्म १२ प्रतिशतले बढेर प्रतिलिटर १ युरो ८४ सेन्टसम्म पुगेको छ ।
प्रयोग गरिएको फ्रान्सेली अनलाइन गाडी विक्रेता अरामिसाउटोले पनि ईभीको बिक्रीमा तीव्र वृद्धि देखिएको जनाएको छ । कम्पनीका अनुसार फेब्रुअरी १६ बाट सुरु भएको सातामा ६ दशमलव ५ प्रतिशत रहेको ईभी बिक्रीको हिस्सा मार्च ९ बाट सुरु भएको सातामा बढेर १२ दशमलव ७ प्रतिशत पुगेको छ ।
