डब्ल्यूएचओबाट औपचारिक रूपमा बाहिरियो अर्जेन्टिना
ब्यूनर्स आयर्स । अर्जेन्टिना विश्व स्वास्थ्य संगठन (डब्ल्यूएचओ)बाट औपचारिक रूपमा अलग भएको छ । अमेरिकी कदमलाई पछ्याउँदै अर्जेन्टिनाले डब्ल्यूएचओबाट बाहिरिने निर्णय गरेको थियो । मंगलबार अर्जेन्टिनी विदेश मन्त्री एबदयि क्विर्नाेले सामाजिक सञ्जालमार्फत एक वर्षअघि दिइएको औपचारिक सूचनाअनुसार अर्जेन्टिनाको सदस्यता समाप्त भएको पुष्टि गरेका छन् ।
मिलेईको निर्णय अमेरिकी समकक्षी डोनाल्ड ट्रम्पको समान कदमसँग मेल खान्छ । दुवै नेताले अन्तर्राष्ट्रिय संस्थाहरूले स्वास्थ्य तथा नीतिगत क्षेत्रमा प्रगतिशील एजेन्डालाई अघि बढाएको आरोप लगाउँदै आलोचना गर्दै आएका छन् । यद्यपि डब्ल्यूएचओ एउटा परामर्शदाता निकाय मात्र हो । यसले सदस्य राष्ट्रहरूलाई सिफारिस गर्ने काम गरे पनि नीति लागू गर्ने अधिकार योसँगै छैन । मंगलबारसम्म डब्ल्यूएचओमा अर्जेन्टिना समेत १९४ सदस्य राष्ट्रहरू रहेका थिए ।
