बगदादस्थित अमेरिकी दूतावासमा ड्रोन र रकेट प्रहार

बगदाद । इराकको राजधानी बगदादमा रहेको अमेरिकी दूतावासमाथि मंगलबार बिहानै शृङ्खलाबद्ध ड्रोन र रकेट आक्रमण भएको छ। समाचार एजेन्सी रोयटर्स र एएफपीका अनुसार इरान र इजरायलबिच युद्ध सुरु भएयताकै यो सबैभन्दा तीव्र र भयानक हमला हो। इराकी सुरक्षा स्रोतहरूले यसलाई अहिलेसम्मकै सबैभन्दा भीषण आक्रमणको रूपमा चित्रण गरेका छन्।

पछिल्लो समय इरान र अमेरिकाबिच बढ्दो तनावको प्रत्यक्ष असर इराकमा समेत देखिएको छ। इरानले आफ्ना छिमेकी देशहरू र अमेरिकी सैन्य अखडाहरूमाथि प्रतिशोध लिने चेतावनी दिइरहेका बेला बगदादको यो आक्रमणले पश्चिम एसियाको सुरक्षा स्थिति थप जटिल बनाएको छ। अमेरिकी अधिकारीहरूले अहिलेसम्म मानवीय क्षतिको कुनै विवरण सार्वजनिक गरेका छैनन् ।