बिहे भोजमा रसबरी घाँटीमा अड्किएर युवकको मृत्यु

नयाँ दिल्ली । भारतको झारखण्ड राज्यस्थित जमशेदपुरमा एक वैवाहिक समारोह अचानक शोकमा परिणत भएको छ ।

भारतीय सञ्चारमाध्यमका अनुसार शुक्रबार राति जमशेदपुरको मलियांता गाउँका ललित सिंह नाम गरेका युवकको मृत्यु भएको हो । बिहे भोज खाने क्रममा उनको घाँटीमा अड्किएको रसबरी निकाल्न प्रयास गर्दा असफल भएपछि तत्काल अस्पताल लगिएको तर चिकित्सकले मृत घोषणा गरेको जनाइएको छ ।