दुबईको गगनचुम्बी भवनमा ड्रोन लागेर ठुलो भ्वाङ पर्यो
एजेन्सी
२०८२ फाल्गुन २८ | मध्यान्ह ०२:११ बजे
दुबई । दुबईमा रहेको एउटा गगनचुम्बी भवनमा ठुलो भ्वाङ देखिएको छ । दुबई सरकारले बिहीबार बिहान भवनमा ड्रोन खस्दा यस्तो घटना भएको जानकारी दिएको हो ।
ड्रोन कहाँबाट आएको हो भन्ने कुरा हालसम्म स्पष्ट भएको छैन । बिहीबार राति दुबई सरकारको सञ्चार कार्यालयले दुबई क्रिक हार्बरनजिकको क्षेत्रमा भएको सो घटनामा प्रतिक्रिया दिइरहेको जानकारी दिएको थियो ।
बीबीसीले प्रमाणित गरेको भिडियोमा भवनभित्र आगो बलिरहेको दृश्य देखिएको छ, जहाँ ड्रोन प्रहार भएको अनुमान गरिएको छ । बिहीबार बिहानको अपडेटअनुसार, दुबई सरकारले आगो नियन्त्रणमा लिएको जनाएको छ । अहिलेसम्म कसैलाई चोटपटक लागेको जानकारी आएको छैन ।
