इरानका नयाँ सर्वोच्च नेतासामु छन् यस्ता ठुला चुनौती

तेहरान । इरानका नयाँ सर्वोच्च नेता मोज्तबा खामेनीले पद सम्हालेसँगै देशभित्र र बाहिरका जटिल चुनौतीहरूको सामना गर्नुपर्ने अवस्था देखिएको छ। विश्लेषकहरूका अनुसार उनी अत्यन्त कठिन परिस्थितिमा नेतृत्व सम्हाल्नु पर्नेछ । अघिल्लो हप्ताको अन्त्यतिर अमेरिका र इजरायलले गरेको संयुक्त आक्रमणपछि सुरु भएको युद्धका कारण इरान यतिबेला ठुलो सैन्य तथा राजनीतिक दबाबमा छ ।

विश्लेषकहरूका अनुसार इरान अहिले गहिरो रूपमा विभाजित समाजमा परिणत भएको छ । गत डिसेम्बरको अन्त्यतिर आर्थिक संकट र महँगीलाई देशभर ठुलो विरोध प्रदर्शन भएको थियो । सुरुमा प्रदर्शनहरू आर्थिक संकटको विरोधमा भएपनि पछि त्यसमा राजनीतिक र सामाजिक मागहरू पनि थपिएका थिए । यस्तोमा नयाँ सर्वोच्च नेताले युद्ध, कमजोर अर्थतन्त्र र सामाजिक विभाजन जस्ता जटिल समस्याहरू कसरी समाधान गर्छन् भन्ने विषय सबैभन्दा महत्त्वपूर्ण प्रश्न बनेको छ ।