बागलुङ–१ मा क्रियापुत्रीद्वारा मतदान

ढोरपाटन (बागलुङ), फागुन २१। यहाँको काठेखोला गाउँपालिका–३ धम्जामा क्रियापुत्रीले मतदान गर्नुभएको छ ।आज भएको प्रतिनिधिसभा सदस्यको निर्वाचनमा आमाको निधन भएको छैठौँ दिनमा धम्जा मतदान केन्द्रबाट दीपेन्द्र रानाले मतदान गर्नुभएको हो ।

आमाको काजक्रियामा रहे पनि मतदान गर्ने अवसरको सदुपयोग गरेको उहाँले बताउनुभयो । राना नेपाली कांग्रेस काठेखोला–३ का वडा सभापतिसमेत हुनुहुन्छ ।