भारतसँग एक महिनालाई पनि छैन तेल स्टक, इरानको चेतावनीले थप चिन्ता

नयाँ दिल्ली । मध्यपूर्व एसियामा बढ्दो तनावका कारण भारतसँग अब २५ दिनका लागि मात्र कच्चा तेल र प्रशोधित तेल स्टक बाँकी रहेको भारतीय सञ्चारमाध्यमले लेखेका छन् । 

इरानले स्ट्रेट अफ होर्मुज बन्द गर्ने घोषणा गरेको छ । साथै इरानी सेनाले यस मार्गबाट ​​कुनै पनि पानीजहाज गएमा त्यसलाई आगो लगाइने चेतावनी दिएको छ । ओमान र इरानको बिचमा अवस्थित यो मार्ग विश्वको तेल व्यवसायका लागि सबैभन्दा महत्त्वपूर्ण मानिन्छ । 

होर्मुज मार्ग बन्द हुँदा विश्वका धेरै देशहरूको तेल आपूर्तिमा प्रभाव पर्नेछ, जसमा भारतलगायत एसियाली देशहरूमा सबैभन्दा बढी असर पर्नेछ । यस मार्ग बन्द भएका कारण विश्व बजारमा कच्चा तेलको मूल्य प्रतिब्यारेल १०० डलरभन्दा माथि पुग्न सक्छ ।

हाल ब्रेन्ट क्रुडको मूल्य करिब ५ दशमलव ५८५ बढेर प्रतिब्यारेल ८० दशमलव ४१ डलर हाराहारी पुगेको छ ।