कतारको राजधानी दोहामा शृङ्खलाबद्ध शक्तिशाली विस्फोट

दोहा । कतारको राजधानी दोहामा मंगलबार राति शृङ्खलाबद्ध शक्तिशाली विस्फोटका आवाजहरू सुनिएका छन् । स्थानीय समय अनुसार राति करिब १ः४० बजे दोहाको आकाशमा पाँच वटा ठुला विस्फोटका आवाज गुन्जिएको समाचार अलजजिराले प्रकाशित गरेको हो । 

विस्फोटका कारण सहरबासीहरूमा त्रास फैलिएको भए पनि हालसम्म कुनै मानवीय क्षति वा भौतिक संरचनामा क्षति पुगेको जानकारी प्राप्त भएको छैन । अधिकारीहरूले विस्फोटको प्रकृति र त्यसबाट भएको क्षतिको विस्तृत विवरण संकलन गरिरहेका छन् ।

इरान र इजरायल–अमेरिकाबिचको बढ्दो द्वन्द्वका कारण मध्यपूर्वका अन्य देशहरूसँगै कतारमा पनि सुरक्षा संवेदनशीलता उच्च बनेको छ ।