अमेरिकासँग बदला लिनु हाम्रो वैध अधिकार हो : इरानी राष्ट्रपति

तेहरान ।  इरानका राष्ट्रपति मसुद पेजेश्कियनले आफ्ना सर्वोच्च नेता आयतुल्ला अली खामेनीको हत्या विश्वभरका मुस्लिम, विशेष गरी सिया समुदायविरुद्धको खुला युद्ध भएको बताएका छन् ।

इरानले रक्तपातको बदला लिन आफ्नो जिम्मेवारी पूरा गर्न सक्दो सबै प्रयास गर्ने उनले भनेका छन् । राष्ट्रपति पेजेशकियनको यो चेतावनी खामेनेईको हत्यापछि मध्यपूर्वमा तनाव चर्किँदै गइरहेका बेला आएको हो ।

शनिवार अमेरिका र इजरायल मिलेर इरानमाथि संयुक्त कारबाही गरेका थिए । यस क्रममा खामेनीसमेत कयौँ वरिष्ठ व्यक्तित्वहरूको मृत्यु भएको छ । मर्नेमा खामेनीका बुहारी, ज्वाइँ, नाति समेत छन् ।