महाशिवरात्रिको अवसरमा ‘नागबन्धम’को टिजर रिलिज, शिव अवतारमा विराट कर्ण

मुम्बई । तेलुगु फिल्म उद्योगका सुपरस्टार महेश बाबुले महाशिवरात्रिको अवसर पारेर ठुलो बजेटको पौराणिक ड्रामा फिल्म ‘नागबन्धम’को टिजर सार्वजनिक गरेका छन् ।

अभिषेक नामाको निर्देशन रहेको फिल्ममा अभिनेता विराट कर्णको मुख्य भूमिका छ । महेशले आफ्नो आधिकारिक इन्स्टाग्राम अकाउन्टमार्फत टिजर सेयर गर्दै निर्माण टोलीलाई शुभकामना दिएका हुन् । टिजरमा विराट कर्णलाई महादेव (शिव) को शक्तिशाली रूपमा प्रस्तुत गरिएको छ ।

फिल्म सन् २०२६ भित्र रिलिज हुनेछ । अभिषेक नामाकै लेखन समेत रहेको फिल्ममा कर्णका अलवा नाभा नतेश, ऐश्वर्या मेनन र बलिउड अभिनेता महेश माञ्जरेकर, जगपति बाबु लगायतको अभिनय छ । फिल्मलाई एनआईके स्टुडियो र अभिषेक पिक्चर्सको ब्यानरमा किशोर अन्नपुरेड्डी र निशिता नागिरेड्डीले निर्माण गरेका हुन् ।