मोरङ–१ मा चुनावी सरगर्मी: प्रतिनिधि सभाका लागि ‘विकास प्रेमी’ नेता कुल प्रसाद लिम्बू (कुशल) मैदानमा।
लेटाङ। मोरङ आगामी फागुन २१ गते हुने प्रतिनिधि सभा सदस्यको उप-निर्वाचनका लागि मोरङ क्षेत्र नम्बर १ बाट नेपाली कम्युनिस्ट पार्टीले प्रभावशाली नेता कुल प्रसाद लिम्बू (कुशल) लाई उम्मेदवारका रूपमा अघि सारेको छ। विकास प्रेमी नेताको छवि बनाएका लिम्बूको उम्मेदवारीसँगै यस क्षेत्रको चुनावी माहौल एकाएक तातिएको छ।
जनस्तरमा भिजेका नेता: उर्लाबारीदेखि लेटाङसम्म
कुल प्रसाद लिम्बू मोरङको उत्तरी क्षेत्रका उर्लाबारी, लेटाङ र केराबारी क्षेत्रमा अत्यन्तै परिचित र लोकप्रिय नाम हो। लामो समयदेखि जनताको सुख-दुःखमा साथ दिँदै आएका लिम्बूलाई स्थानीयले एक ‘काम गर्ने नेता’ का रूपमा चिन्दछन्। विशेष गरी ग्रामीण पूर्वाधार, शिक्षा र स्वास्थ्य क्षेत्रमा उनले पुर्याएको योगदानका कारण उनको पकड …
[11:28, 20/01/2026] Nepal: नवलपरासी-१ बाट उज्यालो नेपाल पार्टीका कँडेलको उम्मेदवारी
काठमाडौँ । युवा व्यवसायी तथा सामाजिक अभियन्ता विजय कँडेलले आगामी फागुन २१ गते हुने प्रतिनिधिसभाको उपनिर्वाचनका लागि नवलपरासी (सुस्ता पश्चिम) क्षेत्र नम्बर १ बाट उम्मेदवार भएका छन्। उज्यालो नेपाल पार्टीका संस्थापक केन्द्रीय सदस्य रहेका कँडेलले देशको बिग्रँदो अर्थतन्त्र र कूटनीतिमा सुधार ल्याउन आफू चुनावी मैदानमा उत्रिएको बताएका हुन्।
नवलपरासीको सुस्ता-३ का स्थायी बासिन्दा कँडेल केही वर्ष अस्ट्रेलियामा बसेर स्वदेश फर्किएका युवा उद्यमी हुन्। नेपाल फर्केलगत्तै व्यवसायमा सक्रिय भएका उनका हाल काठमाडौँ र चितवनमा गरी आधा दर्जन ‘हाइजेनिक मिट सेन्टर’ सञ्चालनमा छन्। यसका साथै उनी एचएमसी फुड्स, हाइजेनिक एग्रो टुरिजम फार्म र होटल व्यवसायमा पनि आबद्ध छन्।
स्वार्थको राजनीतिको अन्त्य मेरो लक्ष्य: कँडेल आफ्नो उम्मेदवारीबारे प्रष्ट पार्दै कँडेलले भने, “विगतमा निर्वाचित भएका नेताहरूले जनताको प्रतिनिधि भएको बिर्सेर व्यक्तिगत स्वार्थमा लाग्दा देश र जनताले दुःख पाएका छन्। त्यसैले हामीजस्ता युवा र व्यवसायीहरू राजनीतिमा होमिनुको विकल्प रहेन।”
सामाजिक र राजनीतिक पृष्ठभूमि कँडेल यसअघि काठमाडौँलाई धुलोरहित बनाउने उद्देश्यका साथ सञ्चालित ‘जाग्यो नेपाल’ अभियानको नेतृत्व गरेर चर्चामा आएका थिए। उनले वि.सं. २०७९ को आम निर्वाचनमा काठमाडौँ क्षेत्र नम्बर ५ बाट समेत प्रतिस्पर्धा गरेका थिए। यस पटक भने उनले आफ्नै गृहजिल्लाबाट निर्वाचन लड्ने निर्णय गरेका हुन्।
नवलपरासी क्षेत्र नम्बर १ मा कँडेलको उम्मेदवारीले युवा मतदाताहरूमाझ नयाँ उत्साह थप्ने अपेक्षा गरिएको छ।
