यूएईमा ‘चौथो एनआरएनए कप भलिबल प्रतियोगिता–२०२६’ हुने

कबिराज राजबंशी

२०८२ पुस २४ | बिहान ०९:०९ बजे

यूएई । संयुक्त अरब इमिरेट्स (यूएई) मा रहेका नेपाली भलिबल खेलाडीहरूलाई लक्षित गर्दै नेपाल एसोसिएसन–एनआरएनए एनसीसी, यूएईको आयोजनामा “चौथो एनआरएनए कप भलिबल प्रतियोगिता–२०२६” आयोजना हुने भएको छ।

हरेक वर्षझैं यस वर्ष पनि “स्वास्थ्यका लागि खेलकुद” भन्ने मूल नाराका साथ प्रतियोगिता आगामी २५ जनवरी २०२६ (आइतबार) का दिन दुबईको अल वासल स्टेडियम, अल जदफ मा सम्पन्न हुनेछ। प्रतियोगिता बिहान ८:०० बजेबाट सुरु हुने आयोजकले जनाएको छ।

एनआरएनए एनसीसी, यूएईले निमन्त्रणा पत्र जारी गर्दै यूएईमा क्रियाशील विभिन्न संघ–संस्था, भलिबल क्लब तथा भलिबलप्रेमी नेपाली खेलाडीहरूलाई प्रतियोगितामा सहभागिता जनाउन आह्वान गरेको छ। प्रतियोगिता यूएईमा रहेका नेपाली खेलाडीहरूबीच मात्र सीमित रहनेछ।

प्रतियोगिताका मुख्य नियमहरू

खेल अन्तर्राष्ट्रिय भलिबल महासंघ (FIVB) को अधीनमा रही नेपाल भलिबल संघ (NVA) का नियमअनुसार सञ्चालन हुनेछ।
प्रत्येक टिममा १० जना खेलाडी, १ प्रशिक्षक र १ व्यवस्थापक अनिवार्य गरी कुल १२ जना रहनेछन्।
खेलसम्बन्धी प्राविधिक वा अन्य विवादमा रेफ्री तथा आयोजक समितिको निर्णय अन्तिम हुनेछ।
खेलका क्रममा लाग्ने चोटपटकको जिम्मेवारी आयोजकले नलिने भएकाले टिमहरूले प्राथमिक उपचार सामग्री आफैं ल्याउनुपर्नेछ।
खेलाडीहरूले अनुशासनपूर्वक खेल प्रदर्शन गर्नुपर्नेछ।
प्रतियोगिता पोल ‘ए’ र पोल ‘बी’ प्रणालीमा सञ्चालन हुनेछ।
टाइसिटअनुसार तोकिएको समयमा उपस्थित नभएमा सम्बन्धित टिम स्वतः प्रतियोगिताबाट बाहिरिनेछ।
टिम क्याप्टेन वा व्यवस्थापकले खेल समयभन्दा कम्तीमा ३० मिनेट अगाडि अफिसियल डेस्कमा सम्पर्क गर्नुपर्नेछ।
अभद्र व्यवहार, दुव्र्यवहार, अपशब्द प्रयोग वा मादक पदार्थ सेवन गरी मैदान प्रवेश गर्नेलाई यूएई प्रशासनमा जिम्मा लगाइनेछ।

टिम दर्ता र टाइसिट