मधेश प्रदेशमा कांग्रेसमा सिंहलाई महत्वपूर्ण मन्त्रालयको माग

जनकपुरधाम । नेपाली कांग्रेस मधेस प्रदेशका उप–सभापति तथा युवा नेता माननीय बिरेन्द्र प्रसाद सिंहले स्वास्थ्य मन्त्रीका रूपमा प्रस्तुत गरेको उदाहरणीय नेतृत्व र कार्यसम्पादन पछिल्लो समय प्रदेशको राजनीतिक वृत्तमा पुनः केन्द्रबिन्दु बनेको छ। कांग्रेसभित्रका केही शीर्ष तथा प्रभावशाली नेताहरूले नाम नखोल्ने सर्तमा भनेका छन् कि कांग्रेस नेतृत्वमा बन्ने नयाँ सरकारमा सिंहलाई महत्त्वपूर्ण मन्त्रालयको जिम्मेवारी दिनुपर्ने आवश्यकता स्पष्ट देखिएको छ।

स्वास्थ्य मन्त्री हुँदा सिंहले जनतामुखी सेवा विस्तार, त्वरित निर्णय प्रक्रिया, बजेट कार्यान्वयनमा गति र कार्यक्रमको परिणाममुखी अनुगमनमार्फत आफ्नो नेतृत्व क्षमता प्रमाणित गरेका थिए।

उहाँको सक्रियता र काम गर्ने शैलीले पार्टीभित्र मात्र होइन, सर्वसाधारणबीच पनि ऊर्जाशील र भिजनयुक्त मन्त्रीका रूपमा पहिचान बनाएको कांग्रेस नेताहरूको मूल्यांकन छ।

अर्थ र भौतिक पूर्वाधार मन्त्रालयमा बढ्दो माग
कांग्रेस नेतृत्वमा सरकार बन्ने संकेतसँगै सिंहलाई अर्थ मन्त्रालय, भौतिक पूर्वाधार मन्त्रालय वा अन्य उच्च प्राथमिकता भएका मन्त्रालयमध्ये कुनै एकमा जिम्मेवारी दिनुपर्ने आन्तरिक माग चर्किएको छ।

पार्टी नेताहरूका अनुसार, प्रदेशको अर्थतन्त्र सुधार, बजेटको पारदर्शी कार्यान्वयन, राजस्व परिचालनमा सुधार, तथा आर्थिक सुशासन जस्ता विषयहरूमा सिंहले सक्षम ढङ्गले नेतृत्व गर्न सक्ने विश्वास रहेको छ।पूर्वाधार विस्तारमा दीर्घकालीन भिजन पूर्वाधार विकाससम्बन्धी दीर्घकालीन योजना बनाउन र ठूला परियोजनाहरूलाई गतिशील बनाउन सक्ने क्षमता सिंहमा रहेको भन्दै नेताहरूले आगामी सरकारमा उहाँको भूमिका अझ महत्त्वपूर्ण हुने बताएका छन्।

विशेषगगरी सडक तथा पुल निर्माण,शहरी/ग्रामीण पूर्वाधार विस्तार,तथा ठूला परियोजनाहरूको समयमै कार्यान्वयन जस्ता क्षेत्रमा सिंहले नतिजा दिने नेतृत्व प्रदान गर्न सक्ने अपेक्षा गरिएको छ।स्वास्थ्य क्षेत्रमै प्राप्त सफलताले सिंहलाई आगामी सरकारले निर्णायक मन्त्रालय नदिने कुनै कारण नरहेको कांग्रेसभित्र धारणा बढ्दै गएको छ।

प्रदेशको आर्थिक सुधार, सुशासन र पूर्वाधार विकासमा नयाँ गतिमयता ल्याउन सक्षम नेता म्हणून सिंहलाई महत्वपूर्ण भूमिकामा देख्ने सार्वजनिक तथा संगठनात्मक अपेक्षा दिनप्रतिदिन सशक्त बन्दै गएको छ।