भारत भ्रमणमा आउँदै रुसी राष्ट्रपति पुटिन
एजेन्सी
२०८२ मंसिर १२ | मध्यान्ह ०३:०८ बजे
नयाँ दिल्ली । रुसी राष्ट्रपति भ्लादिमिर पुटिन डिसेम्बर ४ मा भारत भ्रमणमा आउने भएका छन् । उनको यो भ्रमण डिसेम्बर ५ सम्म हुने जनाइएको छ । ‘प्रधानमन्त्री नरेन्द्र मोदीको निमन्त्रणामा रुसी राष्ट्रपति भ्लादिमिर पुटिन २०२५ को डिसेम्बर ४–५ मा भारतको भ्रमणमा आउनुहुनेछ । राष्ट्रपति पुटिनले २३ औँ वार्षिक भारत–रुस शिखर सम्मेलनमा भाग लिनुहुनेछ’ भारतको विदेश मन्त्रालयले जारी गरेको विज्ञप्तिमा भनिएको छ ।
पुटिन यसअघि अन्तिम पटक २०२१ को डिसेम्बरमा भारतको भ्रमणमा आएका थिए । २०२२ को फेब्रुअरीमा रुसले युक्रेनमाथि पूर्ण स्तरमा आक्रमण सुरु गरेयता पुटिनले भारतको भ्रमण गरेका थिएनन् ।पुटिन सन् २०२३ को सेप्टेम्बरमा नयाँ दिल्लीमा आयोजना भएको जी–२० शिखर सम्मेलनमा पनि सहभागी भएका थिएनन् ।
