ताइवान विवादलाई लिएर चीनद्वारा आफ्ना नागरिकलाई जापान भ्रमण नगर्न आग्रह

बेइजिङ ।  ताइवान विवादका विषयमा प्रधानमन्त्री सानाए ताकाइचीले दिएको अभिव्यक्तिका कारण चीनले आफ्ना नागरिकहरूलाई जापानको यात्रा नगर्न आग्रह गरेको छ । चीनले बेइजिङस्थित जापानी राजदूतलाई बोलाएको छ।ताकाइचीले चीनले ताइवानमा आक्रमण गरेमा जापानले जवाफ दिन सक्ने सुझाव दिएपछि यो हप्ता चीन र जापानबिच वाकयुद्ध बढेको छ। दुवै देशका विदेश मन्त्रालयले एकअर्कासँग गम्भीर विरोध जनाएका छन्। 

यो विवादले चीन र जापानबीचको ऐतिहासिक शत्रुताका साथै स्वशासित ताइवानको सार्वभौमसत्तामाथि लामो समयदेखि रहेको रणनीतिक अस्पष्टतालाई छोएको छ। वर्तमान तनाव गत शुक्रबार जापानको संसदीय बैठकमा सुरु भएको थियो, जब विपक्षी सांसदले ताकाइचीलाई ताइवानसँग सम्बन्धित कुन परिस्थिति जापानका लागि अस्तित्व खतराको स्थिति मानिनेछ भनेर सोधेका थिए।