डीएनएको संरचना पत्ता लगाउने नोबेल विजेता वाट्सनको निधन

वासिङ्टन डिसी । डीएनएको संरचना पत्ता लगाउने सह-आविष्कारकमध्ये एक नोबेल पुरस्कार विजेता अमेरिकी वैज्ञानिक जेम्स वाट्सनको ९७ वर्षको उमेरमा निधन भएको छ।उनले २० औँ शताब्दीको महान् सफलताहरूमध्ये एक मानिने डीएनएको डबल-हेलिक्स संरचना सन् १९५३ मा बेलायती वैज्ञानिक फ्रान्सिस क्रिकसँग मिलेर पत्ता लगाएका थिए। यस खोजले आणविक जीवविज्ञानमा द्रुत प्रगतिको आधार तयार गरेको थियो।

यद्यपि, वाट्सनको प्रतिष्ठा र सम्मान उनका जाति र लिङ्गसम्बन्धी टिप्पणीहरूका कारण नराम्ररी प्रभावित भएको थियो। एक टेलिभिजन कार्यक्रममा उनले काला र गोरा मानिसहरूको औसत आईक्यूमा जीनका कारण फरक हुने दाबी गरेका थिए।