थाई एयरवेजसम्बन्धी भ्रामक समाचार असत्य भएको स्पष्टीकरण जारी

 

एयरलाइन्सले प्रेस विज्ञप्ति जारी गर्दै केही राजनीतिक व्यक्तिहरू थाई एयरवेजमार्फत देश छाड्दैछन् वा छाड्ने तयारीमा छन् भन्ने हल्ला पूर्णतः निराधार भएको बताएको हो । विज्ञप्तिमा भनिएको छ, ‘यस प्रकारका अफवाह र अड्कलबाजीमा कुनै पनि सत्यता छैन, कृपया यस्ता अप्रमाणित सूचनामा विश्वास नगर्नुहुन र नफैलाउन अनुरोध गर्दछौं ।’

 

सन् १९६८ देखि नेपालमा सेवा दिइरहेको थाई एयरवेजले सदैव इमानदारीपूर्वक र जिम्मेवारीका साथ नेपाली जनताप्रति आफ्नो दायित्व पूरा गर्दै आएको उल्लेख गर्दै कम्पनीले केही अनलाइन पोर्टलहरूले प्रकाशित गरेका हल्लापूर्ण समाचारहरूलाई खण्डन गरेको छ ।

थाई एयरवेजले यात्रुहरूलाई सुरक्षित, जिम्मेवार र निष्ठापूर्वक सेवा प्रदान गर्ने आफ्नो अडानलाई फेरि दोहोर्याउँदै जनतालाई भ्रामक सूचना वा प्रचारप्रति सजग रहन आग्रह गरेको छ ।