जिल्ला समन्वय समिति जुम्लाको कार्यालय परिसरमा बम फेला परेको थियो। यता जिल्ला प्रहरी कार्यालय जुम्लाका प्रहरी निरीक्षक तथा सूचना अधिकारी असिम हमालले बम नेपाली सेनाले डिस्पोज गरेको बताए ।
बम भेटिएपछि सेनाको टोली बिहानै जिल्ला समन्वय समितिको कार्यालयमा पुगेको थियो । नेपाल प्रहरी र सशस्त्र प्रहरी पनि बम भेटिएको स्थानमा पुगेमा थिए ।
शनिबार बेलुकी समन्वय समितिको पर्खाल बनाउने कामदारले सकेट बम फेला पारेका थिए । जिल्ला समन्वय समितिका प्रमुख आचार्यले सकेट बम फेला पर्ने बित्तिकै प्रहरी र सेनालाई खबर गरेको बताए।
सेनाले बम डिस्पोज गरेपछि कर्मचारीले सुरक्षित महसुस गरेका आचार्यले बताए । यो सकेट बम संकटकालमा माओवादीले छाडेको हुन सक्ने आशंका गरिएको छ ।
