पर्वतमा ८ वर्षीया बालिकामाथि जबरजस्ती करणी, ६४ वर्षीय अभियुक्त पक्राउ

पर्वत । पर्वतमा ८ वर्षीया बालिकालाई जबरजस्ती करणी गरेको अभियोगमा एक ६४ वर्षीय पुरुष पक्राउ परेका छ । जिल्लाको बिहादी गाउँपालिका–६, चर्काङका भुवानन्द तिवारीलाई प्रहरीले आइतबार दिउँसो नियन्त्रणमा लिएको हो।

प्रहरीका अनुसार, तिवारीले ती बालिकालाई जबरजस्ती करणी गरेको भन्दै पीडित पक्षबाट उजुरी परेपछि प्रहरी चौकी, सेतीवेणीबाट खटिएको टोलीले उनलाई पक्राउ गरेको हो।

पक्राउ परेका तिवारीमाथि जिल्ला प्रहरी कार्यालय, पर्वतले थप अनुसन्धान अगाडि बढाएको छ।